Næstkomandi föstudag, þann 15. janúar, er loksins komið að opnun Fiskbarsins! 

Um er að ræða glænýjan veitingastað í Keflavík þar sem sjávarréttir og grænmeti úr næsta umhverfi leika lykilhlutverk. Matseðillinn er síbreytilegur eftir árstíðum og byggir á því sem ferskast er og best hverju sinni. Yfirkokkur Fiskbarsins er enginn annar en Hákon Már Örvarsson matreiðslumeistari og brons Bocuse d‘Or verðlaunahafi. Hákon hefur meðal annars verið yfirkokkur á veitingastaðnum Vox og starfaði á veitingastað Hótel Holt og Michelin veitingastaðnum Lea Linster í Luxemborg. 

Veitingastaðurinn er staðsettur á Hótel Berg við Bakkaveg í Keflavík en í tilefni af opnun staðarins fæst fjögurra rétta kvöldverður, gisting, morgunverður og stemnings tónar frá Frikka Dór á 34.900 kr. fyrir tvo. - Með vínpörun 44.900 kr. 

Gestir eru velkomnir eftir kl. 15:00 en dagskráin hefst kl. 18:00. Við vekjum sérstaka athygli á heitu setlauginni á þakinu en tilvalið er að skella sér í hana fyrir eða eftir kvöldverðinn, nú eða morguninn eftir. 

Vegna samkomutakmarkana fer kvöldverðurinn fram kl. 18:30 og 20:30 - ef sérstakar óskir eru um tímasetningu þá er best að hafa samband við okkur á berg@hotelberg.is. Sömuleiðis biðjum við fólk um að bóka tíma í setlaugina við komu svo að allir geti notið hennar.

Séð verður til þess að öllum sóttvarnar- og samkomutakmörkunum sé fylgt til hins ítrasta.